Mu gihe igihugu c’Ubufaransa cafashe ingingo yo gusubira gufasha leta y’Uburundi mu vy’Uubutunzi, ishirahamwe ry’Abanyaburaya ryataho ibibazo vya Afrika yo hagati, EurAc(European Network for Central Africa) ryiyamirije iyo ngingo y’Ubufaransa.
Mw’itangazo ryashizwe ahabona kuri uyu wa 25 Mukakaro 2019 na EURAC hamenyshejwe ko ‘ingingo y’Ubufarsansa yo gusubira gufasha leta y’Uburundi idashigikiwe n’Ubumwe bwa Buraya’.
“Ugusubira kuvyura imigenderanire kw’Ubufaransa n’Uburundi mu bijanye no gufashanya bituma Ishirahamwe ry’Ubumwe bwa Buraya riboneka ko ritagira inguvu kandi bituma igihugu c’Ubufarsansa kibonwa nabi ko kititaho ibijanye n’agateka ka zina muntu”, niko Eurac yamenyesheje.
[COMMUNIQUE DE PRESSE]
La reprise de la coopération française avec le #Burundi affaiblit la position de l’#UE et remet en question l’engagement français pour les #droitshumains. @EurAc_Net demande @francediplo de revoir sa décision. https://t.co/3yKpMnkRX4 pic.twitter.com/aV4i7o0n2M— EurAc – European Network for Central Africa (@EurAc_Net) July 25, 2019
Igihugu c’Ubufaransa kikaba kigiye kuza kirafasha leta y’Uburundi mu bijanye n’igisirikare, ivyo benshi mu batavuga rumwe na leta biyamiriza bivanye n’impamvu bavuga ko inzego z’umutekano z’Uburundi zagirizwa guhungabanya agateka ka zina muntu.
Ishirahamwe ry’Ubumwe bwa Buraya harimwo igihugu c’Ubufaransa ryahagaritse gufasha leta y’Uburundi burundu guhera mu mwaka wa 2016.
Kuva ico gihe , leta y’Uburundi ibwirizwa kwitunganiriza ibikorwa vyayo ku buryo bwayo n’amafaranga yabwo bwite.
Recent Comments