Kuri uyu wambere, Leta ya Etiyopiya yatangaje ko yigaruriye ibindi bisagara bibiri vya Dessie na Kombolcha, vyafatwa nk-ibisagara bikomakomeye vyari vyaramaze kuja mu minwe y-abarwanyi b-umuhari TPLF hamwe n-abo bacuditse hamwe.
Igisata ca Leta kijejwe gutangaza amakuru cacishije kuri Twitter kivuga ko ibisagara vya Dessie na Kombolcha kugeza ubu bigenzugurwa n-ingabo za Leta. Izo nazo zaheruka gutangaza kandi ko zigaruriye ibindi bisagara bibiri biri mu buseruko bw-ico gihugu.
Nkuko tubikesha iradiyo Ijwi rya Amerika, Ivyo bisagara bibiri vyasubiye mu minwe ya Leta, vyari mu ntara ya Amhara, ni ku biremetero 400 uvuye ku murwa mukuru wa Addis-Abeba. TPLF ikaba yari yatangajeko yabifashe mu mpera z-ukwezi kw-icumi kw-uy-umwaka.
Ku rundi ruhande, TPLF ibicishije ku muvugizi wayo Getachew Reda yavuze nawene abicishije kuri Twitter kuri uyu wambere ko abarwanyi bawo bahisemwo kuva mu bisagara vya Kombolcha na Dessie kuko ari umukenyuro wa gisirikare bahisemwo.
Recent Comments