Mu ndwi twaraye dusozereye, Ururimi rw’igiswahili rwarabujijwe gukoreshwa mu bikorwa vy’inama nshingamateka yo mu muryango wa Afrika y’ubuseruko, EALA. Bamwe mu bashingamateka bo mw’uwo muryango bagasaba bashimika ko amanama yoza aba mu rurimi rw’icongereza nkuko bisanzwe bizwi ko ari ururimi rusanzwe rukoreshwa mu bikorwa vyo mu muryango wa EAC.
Inyuma yaho umushingamatekakazi wo mu gihugu ca Congo Dorothe Masirika Nganza yarahejeje guhoza abanya Uganda bose ku gitero c’umurwi w’abihevyi giheruka kwica abanyeshure batari bake, maze aca aca asaba ko yokoresha ururimi rw’igiswahili, vyahavuye bituma bitera akajari n’impari ndetse binacanishamwo imirwi ibiri abo bashingamateka ba EALA kuko umurwi munini w’abo bashingamateka wahavuye usaba ko yokoresha ururimi rw’icongereza nkuko rusanzwe rwemewe nk’ururimi rukoreshwa mu bikorwa vy’umuryango wa EAC.
Tubamenyeshe ko iyo nama nshingamateka ya EALA igizwe n’abashingamateka 63 bakomoka mu bihugu vy’uburundi, Rwanda, Kenya, Tanzaniya, Uganda, sudani y’eofo na Republika iharanira intwaro rusangi ya Congo.
Recent Comments