Igihe yariko agirana ikiyago n-abarongoye amakoperative yo mu ntara ya Kayanza kuwa 16 Ntwarante 2022, Umukuru w-nama nshingamateka y-uburundi, Daniel-Gelase Ndabirabe ahamagarira abarundi kubungabunga abapfumu mugabo atari abo yita «Abangushi» kuko bagira akamaro kadasanzwe, aho kwica nyabuna bagakiza.
Gélase Ndabirabe ati :«…murababungabunga mugabo atari abangushi, abapfumu atari abangushi! Murababungabunga kuko bagira akamaro kandi barakiza! Nta mupfumu nya mupfumu yica kirazira! Muzi impamvu? Umupfumu ni uko akoresha ama esprit , imizimu myiza! Ama esprit meza! »
Abatari bake bakaba banegura amajambo amaze imisi ashikirizwa n-uwo mwubahwa arongoye inama nshingamateka y-uurundi , Umwe mu banyagihugu atashimye kwivuga izina aba muri Zone ya Kinama, mu gisagara ca Bujumbura ati :«Uyu
mutama wacu adusaziye nabi nukuri kuko ibintu avuga uyoberwa ko biriko bivurwa n-umuntu akomeye neza mutwe canke n-umunyacubahiro atwara urwego nka ruriya» ubuheruka igihe yari mu ntara ya Kayanza nyene yatangaje ko bamwe mu bahora bunguruza abantu bakoresheje amakinga , ama Tuk-Tuk n-amapikipiki hagati mu gisagara ca Bujumbura boba bava i kuzimu bakaza guteza amasanganya kugira baronke amaraso menshi y-abantu batwara aho yise i «kuzimu». Ntiyagarukirije ngaho gusa, yarasuzuguye cane abasanzwe bacururiza mu mazu mato mato bita «boutique» ko badashobora kutera imbere ko nyabuna bonyaragasa bakaheba urwo rudandazwa maze bakijukira uburimyi bw-ibiraya.
Recent Comments