Bamwe mu bategetsi bagera ku mirongo ibiri bagizwe n’abashingamateka, abashingamateka bo mu muryango wa Afrika y’ubuseruko (EALA), Abakenguzamateka, abahoze ari abategetsi , abadandaza n’abandi,… batswe abandi bagabanirizwa ivy’agateganyo abapolisi babacungera ubuzima.
Nkuko tubisoma mu rwandiko rwashizwe ahabona n’ubushikiranganji bw’umutekano, mu bategetsi batswe abapolisi bose ni Umupfasoni Annociatte Sendazirasa yahoze arongoye ishirahamwe MUTUELLE hamwe na Ambasaderi Willy Nyamitwe asanzwe iki gihe aserukira uburundi i Addis-Abeba muri Etiyopiya. Abandi bategetsi bakaba bagiye baragabanirizwa abapolisi bahora babacungera.
Tubibutse ko iyo ngingo yafashwe inyuma yaho umushikiranganji w’umutekano, intwaro yo hagati mu gihugu hamwe n’iterambere rusangi, Gervais Ndirakobuca atangarije muri Ndamukiza mu nama nshingamateka ko hari abategetsi bamwe bamwe usanga bagize abapolisi nk’abakozi bo mu nzu zabo, ndetse n’abandi babakoresha ngo babakoresha amakosa ko rero bagiye kubakwa kiretse hamwe abo bategetsi babimenyesheje ko umutekano wabo ubangamiwe.
Recent Comments