Kuri uyu wa mbere igenekerezo rya 5 Mukakaro 2021 niho hatanguzwa incanco z-umugera wa coronavirus ku bakozi bose begukira ishirahamwe mpuzamakungu ONU mu Burundi .
Ico gikorwa co gucandaga abo bakozi ba ONU mu Burundi catangujwe na muganga Xavier Crespin asanzwe aserukira ishirahamwe ry-amagara y-abantu kw-isi OMS mu Burundi, akanaba kandi ariwe ajejwe gukurikirana ivyerekeye incanco za coronavirus zitangwa kw-abo bakozi . Ico gikorwa co gutanga izo ncanco cabereye mu bitaro vyegukira ishirahamwe mpuzamakungu ONU biri mu gisagara ca Bujumbura.
Uwo aserukira OMS mu Burundi Dr Xavier Crispin akaba yabaye uwa mbere mu guhabwa urwo rucanco akaba yongeye gukurikiza ya minota 15 isabwa kugira ngo barabe ko ata ngaruka mbi z-urwo rucanco zokwibonekeza.
Tubamenyeshe ko naho igihugu c-uburundi kitaremera ko hozanwa incanco za coronavirus , abasirikare b-uburundi bari mu butumwa bwo kugarukana amahoro muri Somariya baza baratanguye guhabwa izo ncanco babifashijwemwo n-ibiro vya ONU mw-ico gihugu.
Recent Comments