Igisirikare ca Republika iharnira intwaro rusangi ya Congo, FARDC cagiriza igisirikare c-urwanda, RDF kuba gifisemwo uruhara mu bitero bikomeye umuhari M23 wakoze mw-ijoro ryo kuri uyu w-Imana rishira uwa mbere ku birindiro vya FARDC biri mu Rutshuru, mu ntara ya Kivu ya ruguru. FARDC igatangaza ko abasirikare b-urwanda babiri bari mw-ivyo bitero yahavuye ibafata. Biri mw-itangazo FARDC yasohoye kuri uyu wa mbere igenekerezo rya 28 Ntwarante 2022.
Nkuko FARDC ibivuga mw-iryo tangazo, Igitero cagabwe kuri uyu wa mbere ku birindiro vyayo biri mu burere bwa Tchanzu na Runyoni muri teritware ya Rutshuru, gikozwe n-abarwanyi b-umuhari M23 cafatiwemwo kaandi n-abasirikare babiri b-igihugu c-urwanda, RDF.
Icegera c-umuvugizi wa FARDC, Gen.de Brigade Sylvain Ekenge Bomusa Efomi yavuze ko mw-abo basoda babiri b-urwanda bafashwe harimwo uwitwa Habyarimana Jean-Pierre afise ipete rya Adjudant na Uwajeneza Muhindi John batazira ZAJE. Bompi bakaba ngo bakorera muri brigade ya 65, muri batayo ya 402 y-ingabo z-urwanda.
Igisirikare c-Urwanda ntaco kirashima gushikiriza kw-ivyo cagirizwa n-igisirikare ca Congo, FARDC. Igisirikare ca Congo cibaza igituma urwanda rutanguye guhonyanga amasezerano yaheruka kwemezwa n-ibihugu vyo mu karere ku bijanye no gukorera hamwe kugira hatuzwe imirwi y-abarwanyi ikorera mu gihugu ca Congo mu ntumbero yo kuronsa amahoro ico gihugu kiguma cibasirwa n-ibitero vy-imihari y-abarwanyi ituruka mu gihugu ndetse na mva mahanga.
Recent Comments