Umugambwe CNL utangaza ko abanywanyi bawo bagera kuri 90 aribo bamaze guhagarikwa hadakurikijwe amategeko muri ay-amezi atatu aheze. Muri abo 90, nuko abagera kuri 9 bahagaritswe muri uku kwezi kwa Munyonyo 2021. Bikaba vyashikirijwe kuri uyu wa kane na Térence MANIRAMBONA, avugira uwo mugambwe.
Uwo avugira uwo mugambwe usanzwe muyikomeye mu batavuga rumwe yemezako abo bahagaritswe bose nta mitahe yo kubahagarika bahawe. Ikindi, imiryango yabo ntiyemererwa kuja kubaraba aho bafungiwe.
Umugambwe CNL ugasaba inzego z-ubutungane ko zohagurukira ico kibazo kugira iyo ngendo igayitse ishobore gutuzwa mu gihugu citwa ko kigendera ku mategeko.
Recent Comments