Mw-itegeko ry-umukuru w-igihugu ryaraye rishizwe ahabona, n-uko intahe yo ku mugina izoba igizwe n-abantu 15 bakazotorwa n-inama yo ku mutumba . Uwo zokwitoza mu bagize intahe yo ku mugina azoba akwije ibi bikurikira:
1.Kuba afise ubwenegihugu bw-uburundi
2.Afise n-imiburiburi imyaka 35 y-amavuka.
3.Ari imvugakuri kandi agendera ubutungane.
4.Yiyubahiriza kandi yitwararika ivyo ajejwe.
5.Ashobora gutahura ibibazo vy-uwumwituye.
6.Yigenza runtu kandi atigeze ahanishwa icaha gituma abanyagihugu batamwizigira.
7.Atagira aho ahengamiye kandi ata nkunzi.
8.Yitwararika amatungo rusangi kandi agaheba inyungu ziwe bwite ku neza ya bose.
Iryo tegeko ry-umukuru w-igihugu rirongera rigatomora ibikorwa bitegura amatora , uburyo bwo gutora n-ingene amatora agenda.
Recent Comments