Abasirikare b’Urwanda baranyuruje umurovyi w’Umurundi mu kiyaga Cohoha mu ntara ya Kirundo ku musi wa 1 Mukakaro 2020.
Ivyo vyabereyue muri komine Bugabira, umutumba Kiri nk’uko ubushikiranganji bw’umutekano bwabisize ahabona uyu musi wa 3 Mukakaro 2020.
Uwo yanyurujwe n’igisirikare c’Urwanda akaba yitwa Ndagijimana Sylvestre akaba yanyurujwe nk’isaha imwe n’iminota 30 ku mugoroba.
Kidnapping du pêcheur burundais Ndagijimana Sylvestre par 2 militaires rwandais en pirogue le 1/7/2020 vers 19h30, dans les eaux du lac Cohoha sur la colline Kiri de la commune Bugabira en @KirundoProvinc. Des coups de feu ont été entendus après ce kidnapping. Enquête en cours.
— Burundi Sécurité (@BurundiSecurity) July 3, 2020
Mwomenya ko itariki imwe nyene ariho leta y’Uburundi, eka mbere umukuru w’igihigu, Ndayishimiye Evariste, ariho yamenyesha ko hari umusoda w’Uburundi yasize ubuzima mu mishamirano hagati y’Abasirikare b’Urwanda n’Uburundi muri ico kiyaga nyene ca Cohoha mu ntara ya Kirundo.
Mu ndwi twarangije naho, Urwanda rwari rwavuze ko Uburundi bwateye ubumanuko bw’Urwanda mu gace ka Nyaruguru naho Uburundi bwahakanye ivyo vyagirizi vya leta ya Paul Kagame.
Recent Comments