Amakuru hirya no hino mu binyamakuru turayahera ku gitero cahitanye abagwizatunga batatu mu gisagara ca Bujumbura ku musi wa gatanu w’indwi turangije.
Abo bagandaguwe ni Joseph Hicuburundi batazira Mugamba, Juvenal Cishahayo na Melchisédech Ntaraka(yakora muri Banki nkuru y’igihugu mu gisata c’amafaranga y’agaciro).
Amasoko y’inkuru atandukanye avuga ko abantu batamenyekanye kandi bihishije mu maso binjiye mu kabare Kwa Gilbert mu gisagara ca Bujumbura, baca batangura kurasa batumbereza ahari hicaye abo bagabo batatu.
Igipoliso c’Uburundi kikaba catanguye amatohoza kuri ubwo bwicanyi bwahitanye abo bagwizatunga batatu.
Ayandi makuru avugwa hirya no hino ni inkuru ivuga ko isoko nkuru y’impunzi z’Abarundi zo mwikambi ya Nduta yabomowe n’ubuyobozi bw’inkambi maze bituma Abarundi baba muri iyo kambi batagira ayo bacira n’ayo bamira.
Ivyo navyo bikaba biri mu mugambi wo guhimiriza izo mpuzi zahunze Uburundi kuva mu mwaka wa 2015 zitahuke mu Burundi naho nyinshi murizo zibona ko ico zahunze kitaravaho.
Iwacu Burundi kandi itangaza ko abatari bake bariko barafatwa muri Zone Rweza-Muyiri muri Komine Kanyosha mu ntara ya Bujumbura bagirizwa gushaka kugandagura musitanteri w’iyo komine.
#Burundi: Last week, 3 people have been gunned down in a bar of Bujumbura.
A person indirectly claimed the attack.He's been identified through his WhatsApp chats in a group. He's an agent of Secret services.Victims were from the ruling party. Maybe they were no longer trusted. pic.twitter.com/GcwgvSR2P5
— Comrade Désiré (@ncambirwa) November 4, 2019
Recent Comments