Umukuru w-igihugu ca Ukraine ,Volodymyr Zelensky yatangaje kuri uyu wa gatandatu mu kiganiro yahaye abanyamakuru ko abasirikare 1300 b-igihugu arongoye aribo bamaze kurwa mu ntambara zimaze indwi zibiri zirenga ziriko zihuza ico gihugu n-uburusiya.
Perezida Zelensky yavuze ko n-ubwo igihugu ciwe catakaje ico gitigiri kingana uko c-abasirikare, hari abasirikare b-uburusiya bari hagati ya 500 na 600 bahisemwo kumanika amaboko imbere y-ingabo za Ukraine , nubwo bigoye guharura neza ivyo bitigiri.
Tubibutse ko igisirikare ca Ukraine caheruka gutangaza ko kimaze kwica abasirikare b-uburusiya barenga ibihumbi cumi na kimwe hamwe n-ibikoresho vyinshi vya gisirikare vyafashwe maze ibiduga n-indege z-intambara birasamburwa. Igisirikare c-uburusiya naco cari catangaje ko kimaze kuburira mw-iyo ntambara abasirikare 498 hamwe n-abarenga 1500 bahakomerekeye.
Recent Comments