Umukuru w-igihugu c-uburundi Varisito Ndayishimiye yarihiye amafaranga y-ibitaro abanyagihugu cumi bakize , munyuma babura ayo kuriha . Ayo mafaranga angana imiriyoni cenda z-amarundi akaba yavuye mu mushahara yakase abahanuzi biwe munani yaheruka gushira mu gihano c-imisi cumi n-itanu. Mw-abo barwayi 10 barihiwe amahera y-ibitaro, 7 n-abari barwariye mu bitaro CNPK vyo mu Kamenge hamwe na 3 bo mu bitaro Prince Régent Charles.
Perezida Ndayishimiye ati: ˮHariho abakozi bakorera igihugu babaye ibinebwe hanyuma turabahana. Umushahara wabo waciye ugaburwa na kabiri . Uwo mushahara ntakindi twowukoresha kuko ntituri tuwuhe ibinebwe bitakoze . Nimwayo mahera rero twaciye tugira duti reka dufashe abo barwayi‟
Umukuru w-igihugu Varisito Ndayishimiye yaboneyeho akaryo ko guhanura abantu baba baziko bagiye gukorera igihugu ariko ntibamenyeko bagiye gukorera igihugu batagiye kunebwa.
Recent Comments