Congo: Umugabo yakekwako ubwicanyi yaraturiwe n-urwaruka rwo muri Uvira munyuma ahava araribwa, ivyahahamuye binasiga ubwenge abariko babiraba.

Nkuko tubikesha iradiyo Ijwi rya Amerika mu gisata kivuga ikinyarwanda n-ikirundi, ku musi wa gatandatu w-indwi twaraye turangije mu mugisagara ca UVIRA, uri m-uburasirazuba bwa Congo, urwaruka rwo mw-ico gisagara rwarafashe umugabo akekwa icaha co kwica umuvunjayi azwi kw-izina rya Shika Mutumoyi nikwo kuhava rumuturira hakoreshejwe igitoro co mubwoko bwa essence mu nyuma rurangije ruca rutangura kurya inyama z-uwo muntu be n-ubugari bw-uburobe.  Abariko babiraba batiˮ ni ishano kubona umuntu asigaye aribwa n–abagenziwe abanje kwotswa ntaho twari bwakabibone kuva twakabaho‟

Inyuma yo kwica mu nyuma rugaturira uwo mugabo, urwo rwaruka rwafunze ibarabara rusaba ko ruhabwa Major Katembo jean- Pierre aheruka kwica umunyamategeko Aramba Odrigue amurashe ko yotangwa akicwa hakoreshejwe amabuye.

Nkuko bivurwa n-abanyagihugu batuye mw-uwo muji wa Uvira, ngo si iryambere mw-uwo muji urwaruka rwica umuntu munyuma rukamurya inyama. Ubuheruka  hari mu ntango z-umwaka w-2017 aho hari umuntu yiciwe I Kilibula aturiwe akekwa ko yishe muyobozi wa Banki hanyuma rumwe mw-urwo rwaruka ruramurya inyama ziwe n-umubugari bw-uburo.