Amafaranga angana n-imiriyoni mirongo itanu n-imwe n-ibihumbi amajana atanu na mirongo icenda na bitanu (51.595.000 FBU) niyo yanyurujwe n-abatoza amakori mu gisata co kwunguruza abantu mu gisagara ca Bujumbura mu kiringo c-amezi abiri n-inusu umuntu ahereye guharura mu kwezi kwa Nyakanga.
Mu nama umushikiranganji w-intwaro yo hagati mu gihugu yagiranye n-abo batoza kori ku mugoroba wo kuri uyu wa gatatu , Gervais Ndirakobuca yategetse ko gushika ku musi wa mbere uwo wese yasahuye ayo mafaranga azobe yayagarukanye ku bubiko bwa banki bwa Meri ya Bujumbura.
Umwe mu bakora mu gisata kijejwe kugendura ibikorwa vy-ubushikiranganji ari nabo batoye ubwo bunyonyezi, yavuze ko mu kuyiba bandika kuri ˮ Quittance‟ amahera adahuye n-ayo umutanga kori yarishe. Yatanze akarorero ko nk-umuntu atanze ibihumbi ijana na bitanu , hejuru kuri ˮréçu‟ baha umutangakori bandikako ayo mafaranga . Ariko hasi kuco bita ˮ souche‟ bandikako ibihumbi cumi na bitanu gusa. Bamwe mu bagize ubwo busuma baravyemeye, ariko abatavyemeye , Umushikiranganji Gervais Ndirakobuca yategetse ko baca bakorerwa dosiye , bajanwe mu gasho hanyuma bazoheze bitabe ubutungane , baburane bapfunzwe.
Recent Comments