Abenshi bakora umwuga wo guhanahana amafaranga biciye mu materefone ngendanwa bitwa aba «agents» barahagaritse ico gikorwa kuva itarike 4 Ruhuhuma 2022. Bakaba bavuga ko batokwemera babandanya guhomba kuberako amashirahamwe ya Econet-Leo hamwe na Lumitel yari yabagabanije inyungu ku rugero rurenga ibice 30% . Abo bakora ako kazi bakavuga ko naho ibanki nkuru y-igihugu, BRB yari yabahumurije mu kwezi kwa Nzero 2022, ikanabasaba ayo mashirahamwe gusubizaho ibiciro vya kera , ntivyigeze bikwirikwizwa.
Tubamenyeshe ko muri kino gihe abariko bakora ako kazi bari ku rushi ndetse ko n-ibindi bikorwa babihagaritse.
«No gucuruza ama unités ubu twarabihagaritse. Mu kugira tuyarangure ayo ma unités, warungika ama electroniques ya Lumicash na Ecocash maze baka kurungikira ama unités» Niko umwe mubakora urwo rucuruzwa aba i Bujumbura asigura.
Abatari bake mu banyagihugu ba ba kiriya basanzwe bahanahana ayo mafaranga bamenyesha ko ari uruhombo runini kuribo. Ko Leta yoraba igakemura ico kibazo.
Recent Comments