Kim yo-Jong mushiki wa prezida kim Jong-un wa North korea yahaye gasopo koreya y’epfo na ukraine kuco yise agasomborotso biri gukora muri North korea,avyibutsa ko korea ya ruguru ishobora kwifashisha w’ibirwanisho ruhonyanganda ivyoheza bigakwegera isi yose ibibazo.
Kim yo-Jong yagereranije Koreya y’epfo na Ukraine nk’imbwa mbi zarezwe na Amerika.
Mu gihe inzego z’ubutasi za koreya y’epfo zaheruka kumenyesha ko Koreya ya ruguru oriko irivanga mu ntambara Uburusiya buri kurwana muri Ukraine mbere Seoul yavuga ko ingabo 12000 za koreya ya ruguru ziteguye kurungikwa muri Ukraine gufasha uburusiya,Koreya ya ruguru yo ivyamirira kure ahubwo ikavuga ko ari agasomborotso iri gukorerwa.
Uyu musi Kim yo Jong abicishije mu kigo ca Koren Central News Agency,yavuze ko koreya y’epfo na Ukraine bari gushaka kwivanga mw’itunganywa ry’umugambi w’iki gihugu wo gukoresha ibirwanisho ruhonyanganda ivyo we yise ko ari agasomborotso.
Kim yo-jong yavuze ko aka gasomborotso ibi bihugu biri gukora kw’itunganywa ry’ibirwanisho ruhonyanganda bishobora gukwegera isi yose ya igihugu gito na kinini.
Uyu mugore yabandanije agereranya kiev na seoul nk’imbwa mbi zarezwe na Amerika.
Kim yo-Jong afatwa nk’umugore afise ubushobozi burenze muri iki gihugu kuburyo ico ategetse atawumuvuguruza.uyu niwe mugore kandi wenyene afise ububasha bwo gukoresha ibirwanisho ruhonyanganda nkuko vyatangajwe na CNN.
Recent Comments