Umukuru w-igihugu c-uburundi Varisito Ndayishimiye yarahagaritse amasezerano yo gucukura ubutare bwa Nickel buri i Musongati (mu ntara ya Rutana), ibikorwa vyahora bikorwa n-ishirahamwe Burundi Musongati Mining international (BMM). Iyo ngingo ikaba iri mw-itegeko ry-umukuru w-igihugu ryasohotse kuwa 3 Ntwarante 2022. Ayo masezerano yo gucukura ubutare yari yatanguye mu kwezi kwa Ruheshi 2014. Iryo shirahamwe Leta y-uburundi ikaba yarifise umutahe w-ibice 15% nayo BMM ikagira 85%. Amasezerano akaba yari ayo kwimba ubutare bwa Nickel imyaka 25 .
Twobamenyesha ko n-inama nshikiranganji yari yakoranye mu kwezi kwa Gitugutu mu mwaka uheze aho yari yemeje ingingo yo guhagarika ayo masezerano yo gucukura ubutare bwa Nickel buri i Musongati . Leta y-uburundi ikaba yababazwa nuko iryo shirahamwe ritubahirije ivy-ayo masezerano harimwo no kudatanguza ibikorwa nyezina.
BMM international rikaba rihambije ayandi mashirahamwe yahora acukura ubutare mu Burundi aherutse guhagarikwa n-itegeko ry-umukuru w-igihugu , aho yagirizwa kuba atashikije mu ngiro ivyo bari bumvikanye na Leta y-uburundi hatibagiwe nkuko Leta yavuga ko ata nyungu iboneka yigeze iboneka kuva amwe mw-ayo mashirahamwe atanguye gucukura ubutare butandukanye mu burere bugize igihugu c-uburundi.
Recent Comments