Perezida Ndayishimiye avuga ko hari umugambi wa Leta wo gushira hamwe amatongo harwizwe umwimbu.

Mu kiganiro aheruka kugiriranira n-imboneshakure yitwa Afrique Media, Umukuru w-igihugu c-uburundi Varisito Ndayishimiye avuga  ko mu Burundi hari umugambi  wo gushira hamwe amatongo yose  mu  ntumbero yo kurwiza umwimbu  hama abantu bagaca bajanwa mu birwati.

Perezida Ndayishimiye yavuze mw-ico kiganiro  ko ashaka kwubaka buri komine yose igize igihugu c-uburundi ico yise ˮcommandement‟ y-uburimyi  n-ubworozi.  Kugira ngo kurya umuntu amenya ukwo agana ku bitaro  iyo arwaye , abarundi nabo  bamenye nabo iyo bagana iyo habaye ikibazo c-uburimyi canke c-ukworora.

Kuco gushira hamwe amatongo yose yo mu gihugu, umukuru w-igihugu c-uburundi amenyesha ko ari mu ntumbero y-uko abarundi baronka ico yise ˮ Encadrement‟  nziza mu bijanye no kurima hanyuma  kandi hagakorwa ibishoboka vyose  ntihagire ifumbire irinda kuronderwa hanze y-igihugu.

Bamwe n-abandi babona koi co cipfuzo c-umukuru w-igihugu c-uburundi ari ciza cane ariko kugishikako ari urugamba rukomeye azorwana ku barundi kukubera ko abarundi muri kameremere yabo canke mu migenzo yabo baha agaciro cane itongo kuruta ibindi vyose.