Urwego ruvugira abarwayi CEMABU rumenyesha ko bafise amakenga kw’iduzwa ry’igiciro c’agakarata ko kwivurizako bita CAM kagiye kuva ku mafaranga ibihumbi 3 kahorako kaje ku bihumbi 25.
Sylvain Habanabakize aruvugira abona ko ivyo bizotuma abanyagihugu batoroherwa mu kwivuza mu gihe basanzwe babayeho mu mikoro make. Urwo rwego rusaba leta kuraba iyindi nzira yoronderamwo amafaranga bakeneye batadugije igiciro c’ako gakarata.
Mu ndwi iheze hariko harigwa impinyanyuro z’integuro y’itegeko rigenga amafaranga leta izokoresha mu mwaka wa 2021 ushira wa 2022, mu nama nshingamateka, hafashwe ko iyo karata izotangwa ku buntu ku batishoboye. Abafise uburyo bubayabaye bazoyigura ibihumbi 25. Abari mu mugwi w’abatunzi nabo bazotange ibihumbi 100.
Umushikiranganji ajejwe ikigega ca leta, Domitien Ndihokubwayo yamenyesheje ko amafaranga azotangwa azoca aja mu kigega ca leta biciye mu kigo gitoza amakori n’amatagisi OBR.
Recent Comments