Urwego CNC rujejwe gucungera uko ibinyamakuru bikora mu Burundi rumenyesha ko ibiganiro bibandanya hagati y’urwo rwego n’ibinyamakuru vyahagaritswe.
Icegera c’uwurongoye urwo rwego yabivugiye mu kiganiro n’abamenyeshamakuru kuri uyu wa gatatu 21/04/2021 inyuma y’inama bagiraniye n’abagize urwo rwego.
Laurent Kaganda yatanze akarorero ko kuri uyu wambere CNC yabonanye n’abaserukira iradiyo y’abanyamerika VOA (ijwi ry’amerika). Kuri uyu wa kane bazobonana na radiyo Ntumbero FM, mu gihe ku wa gatanu hazoba haramukiwe radiyo y’abongereza BBC
Urwego CNC kandi gwemereye radiyo Isanganiro kwugurura imboneshakure.
Ibindi binyamakuru vyemerewe gukora ku mugaragaro ni radiyo ijwi ryo gusubiza hamwe
( Radio Voix de la Réconciliation) ya diyoseze Katolika y’i Muyinga, Télévison Burundi Bwiza na Télévison Kazoza.
Recent Comments