Imvukira za komine Rutovu zirasaba imbabazi ku mabi yakozwe na Prezida Buyoya Pierre

Ivyo biri mw’itangazo ryasohowe kw’itariki 18 kigarama n’abahurikiye mw’ishirahamwe FONARUSODE ririmwo imvukira z’ikomine Rutovu Prezida Buyoya Pierre yavukamwo. Jean Marie Nzigamasabo aserukira iryo shirahamwe akavuga ko Prezida Buyoya yagize abansi n’abakunzi ku ntwaro yiwe nkuko abakuru b’ibihugu bose bibashikira.

Bakavuga ko yagerageje gutunganya ivyigihugu mbere bimwe bimwe vyiza bizobandanya bigenderwako m’Uburundi.

Iryo shirahamwe rirasaba imbabazi aboba yaragiriye nabi hama akaza guhambanwa iteka mu gihugu ciwe muri komine Rutovu aho avuka.