Igiteramo kidasanzwe citiriwe East African Unit Concert giheruka kubera hano muri Leta zunze ubumwe za America ( Dallas, Texas ) caraye kirangiye kuruyu wagatandatu uheze , aho abaririmvyi batandukanye bose bacitabiriye berekanye ubushobozi bwabo.
Nkuko UBM News arico kinyamakuru ca mbere c’abarundi gikorera hano muri Leta zunze ubumwe za America , kuruyo munsi twari twahishikiye kugirango tubabere ijisho ndetse nkuko twavyiboneye, abaririmvyi bose baririmvye uwo munsi bakaba barabiciye bigacika kuko berekanye ko bashoboye ndetse uravye n’ukuntu abitabiriye ico giteramo babashigikiye, vyerekana neza ko indirimbo baririmba yuko zikundwa cane.
Abaririmvyi bitabiriye ico giteramo ndetse baririmbiye imbere yabafana babo bikaboneka ko bakunzwe cane harimwo ” Mt Number One, Mtoto wa Shangazi, GN, Chonge, Babby, Beez Boyz, Mselah Sela hamwe n’abandi batandukanye tutashoboye kumenya.
UBM News twobibutsa ko ico giteramo yuko cari citabiriwe n’abarundi bari baje bava mubisagara bitandukanye vyaha muri Leta zunze ubumwe za America ndetse abaririmvyi nabo bakaba baranezerejwe n’ukuntu bakiriwe nabafana babo mukubereka ko bakunda indirimbo baririmba.
Kurikirana amafoto yaranze ico iteramo hano munsi , hariho n’ayandi mafoto yafotowe kumunsi ukurikira ico giteramo caraye giheze.
Umuhinyanyuzi wama Video ” Young PDK ” arikumwe n’umuririmvyi ( Mt Number One )
Umuririmvyi Chonge, hamwe n’umuririmvyi Babby barikumwe numunyamakuru wa UBM News
Umuririmvyi abenshi bazi kwizina rya ( Mtoto wa Shangazi ), GN uwo yambaye impuzu zera, Umurongozi mukuru wa UBM News uwo yambaye isuti itukura , uwuhereza nawe ni Mt Numer One asanzwe kandi afise na Studio izwi na benshi ya ” Indonyi Record
Umuririmvyi afise indirimbo zikundwa na benshi ” GN uwo yambaye impuzu zera, arikumwe n’umurongozi mukuru wa UBM News ” Eric Nyandwi
Umuririmvyi Mtoto wa Shangazi azwi cane mundirimbo ya Maisha ya Dunia , Kuzaliwa, Dunia Itakufunza hamwe n’izindi nyishi zitandukanye
Umuririmvyi Mt Number one aka Sekuru w’indonyi arikumwe na Eric Nyandwi umumenyeshamakuru wa UBM News
Umuririmvyi GN, yafotowe ifoto arikumwe numu Fans
Ibirori vyarangiye neza, abaririmvyi bose batahanye umunezero udasanzwe ! Mu minsi iri imbere hano kuri UBM News tuzobereka Video zose twafashe z’ukuntu ibintu vyose vyaganze mu gihe abaririmvyi bariko bararirimba.
