Alain Aime Nyamitwe :” Urwanda nirwo ruriko rurateza umutekano muke uri mu Burundi.

0

Reta y’Uburundi iragiriza igihugu c’Urwanda kugira uruhara ngorane za politike n’umutekano muke w’ibonekeza mu gihugu c’Uburundi kuva mu mpera z’ukwezi kwa Ndamukiza 2015.

nyamitwe

Inyuma y’itangazo ryasohowe n’ishirahamwe ry’ibihugu bigize akarere k’ibiyaga binini CIRGL,umushikiranganji w’imigenderanire y’Uburundi n’ibindi bihugu Alain Aime Nyamitwe yavuze ko bafise amakuru ko hari urwaruka rwahungiye mu Rwanda ruriko ruronswa inyigisho za gisirikare.

Naho ashima ko igihugu c’Urwanda cakiriye impunzi z’abarundi,umushikiranganji Alain Aime Nyamitwe avuga ko ikambi ivugwamwo cane urwaruka rugira inyigisho za gisirikare ari ikambi y’impunzi ya Mahama.

Umushikiranganji w’imigenderanire y’Uburundi n’ibindi bihugu avuga ko bafise amakuru yemeza kandi ko abagomvye gushikira ubutegetsi bakoresheje ibirwanisho nabo nyene bari mu gihugu c’Urwanda.

Ku bijanye n’uko igihugu c’Urwanda naco cagiriza Uburundi ko hari abarwanyi b’umuhari FDLR bahawe indaro mu Burundi,umushikiranganji Alain Aime Nyamitwe avuga ko hari umurwi warungitswe ngo ugire amatohoza kandi ko icegerenyo kitaraja ahabona,rero ko ari ukurindira ibizova muri ayo matohoza yagizwe.

Naho biri ukwo,igihugu c’Urwanda caramaze kumenyesha ko ivyashikirijwe mw’itangazo ry’ishirahamwe CIRGL kitavyemera,kandi ko n’umurwi w’amatohoza worungikwa gukora amatohoza kuko ibintu bimeze hagati y’Uburundi n’Urwanda kitavyemera.

SRC : IGIHE