Sudani y’Epfo : Amerika iragabisha uworenga ku masezerano y’amahoro

0

Reta Zunze Ubumwe za Amerika zagabishije abategetsi ba Sudani y’Epfo,kutarenga ku masezerano y’amahoro bateyeko umukono,mu ntumbero yo guhagarika intambara zari zimaze igihe muri ico gihugu.

arton14723-7382a

Umuvugizi w’ubushikiranganji bw’imigenderanire n’ayandi makungu, John Kirby, yavuze ko Reta Zunze Ubumwe za Amerika, zizokurikirana abategetsi bazohonyanga ayo masezerano, kandi zizoshigikira ibihano bazofatirwa.

Yavuze kandi ko Amerika itazokwemera ivyakozwe n’umukuru w’igihugu Salva Kiir, mu kwifata ku ngingo zimwe zimwe ziri muri ayo masezerano.

Umukuru w’igihugu Salva Kiir yashize umukono ku masezerano ku wa Gatatu igenekerezo rya 26 Myandagaro 2015,inyuma y’indwi Riek Machar yahoze ari icegera ciwe ayashizeko umukono.

Indwano hagati y’abasirikare bashigikiye umukuru w’igihugu n’uwahoze ari icegera ciwe,zari zimaze amezi arenga 20,inyuma yo kuronka intahe yo kwikukira mu mwaka w’2011.

Sources : Igihe