Perezida wa Tanzaniya Samia Suluhu Hassan araterwa akamo n-amwe mu mashirahamwe y-abarundi ngo akingire impunzi zahungiyeyo.

0

Mw-ikete ishirahamwe  CBDH VICAR riharanira agateka k-impunzi  z-abarundi zahungiye mu bihugu vy-akarere ryandikiye umukuru w-igihugu mushasha wa Tanzaniya ryamumenyesheje ko yogira ibishoboka vyose akagarukira   agateka k-impunzi  z-abarundi zahungiye mw-ico gihugu.Tanzania's Magufuli remains absent, so will VP Samia Hassan Suluhu take over?

Mw-urwo rwandiko, Leopold Sharangabo  arongoye CBDH VICAR yerekanye amabi impunzi z-abarundi zidasiba gukorerwa aha yerekanye ko k-ubutegetsi bw-umuhisi Magufuli bwagizemwo uruhara runini cane mukuhonyanga amategeko mpuzamakungu agenga impunzi nko mukuziburabuza  zitewe ubwoba ngo zisubire iyo zavuye kandi zitavyiyumvamwo n-agatoyi, harimwo izirenga  50 atawuzi irengero ryazo, hari izicirwa mu makambi, hari nizanyurujwe zija gufungirwa m-ubusho bw-uburundi bikozwe n-abamwe bo mw-iperereza ry-uburundi.

Mukusozera, CBDH VICAR  isaba ishimitse ko Ubutegetsi bw-umupfasoni Samia bwogira ico buhinduye kw-iryo honyangwa ry-agateka k-impunzi ryakozwe k-ubutegetsi bw-umuhisi Magufuli eka hakanakorwa amatohoza y-igenga kw-ayo mabi yakorewe impunzi.