Ngiyi hano impamvu idasanzwe yatumye Caporal-chef Léon Niyonkuru yirukanwa muri AMISOM

0

Umusirikare w’Uburundi, Caporal-chef Léon Niyonkuru, aheruka kwirukanwa mu bikorwa vya AMISOM muri Somaliya, akaba yashitse ahagarikwa, agishika ku kibuga c’indege ca Bujumbura.

Amakuru yaciye ku mbuga ngurukanabumenyi yavuga ko Caporal-chef Léon Niyonkuru yirukanwe muri Somaliya, agashika atabwa muri yompi n’igendereza ry’Uburundi. Ayo makuru ntiyatomora ariko icatumye uwo musirikare yirukanwa. Mu gisirikare c’Uburundi batanze umuco.

Colonel Gaspard BARATUZA, umuvugizi w’igisirikare c’Uburundi

Colonel Gaspard BARATUZA, umuvugizi w’igisirikare c’Uburundi yamenyesheje ko Caporal-chef Léon Niyonkuru yigenjeje nabi, mu kurenga amategeko agenga abasirikare barungitswe kugarukana amahoro muri Somaliya. Uwo musirikare yafashwe ariko yiyunguruza mu muduga muri Somaliya, kandi atari yabiherewe uruhusha. Haciye hafatwa ingingo y’ukumwirukana akagaruka mu Burundi, nk’uko bivugwa na Colonel BARATUZA.

Ashikanwe ku kibuga c’indege ca Bujumbura, yaciye afatwa kugira ikibazo ciwe gishikirizwe inzego zibijejwe.