Ngagara : Ikiziga catowe hafi y’ikambi y’igisirikare

0

Iruhande y’ikambi y’igisirikare yo mu Ngagara muri karitiye y’icenda mu gisagara ca Bujumbura, hatowe mu gatondo ko kuri uwu wa mbere ikiziga c’umugabo. Mu giporisi c’Uburundi bamenyesheje ko uwo yishwe azwi kw’izina rya Dieudonné Nsengiyumva, w’imyaka 25, avuka mu ntara ya Gitega muri komine Gishubi.

OP1 Pierre NKURIKIYE umuvugizi w’igiporisi c’Uburundi yamenyesheje kandi ko uwo yishwe yahora ari umukuru w’abikorera imizigo kw’isoko yo mu Kinama mu gisagara ca Bujumbura, akaba yishwe anizwe n’abantu bataramenyekana.

Dieudonné Nsengiyumva yahora aba muri zone ya Kamenge.