Muri Dar es Salaam hatumweko iyindi nama idasanzwe y’abakuru b’ibihugu.

0

Iyindi nama ku kibazo c’Uburundi yatumweko i Dar es Salaam mu gihugu ca Tanzaniya, iyo nayo ikazohuza abarongoye ibihugu vyo mu karere ka EAC.

East-African-prsidents

Iyo nama ikaba ije ikurikira iyo umukuru w’igihugu Petero Nkurunziza yari yitavye, agishikaye, hagaca hakurikira akarwi k’abasirikare n’abaporisi baciye bashaka gufata ubutegetsi ku nguvu ariko biranka, ku wa 13 Rusama uwu mwaka.

Muri iyo nama yatumweko kuri uyu w’Imana igenekerezo rya 31 Rusama, ikibazo kizirwa ahanini, akaba ari ikijanye n’icuka kibi mu vya poritike kiri mu Burundi. Mu biro vy’umukuru w’igihugu, babwiye bagenzi bacu ba Jeune Afrique ko hakiri kare kugira bashikirize ko Petero Nkurunziza azitaba iyo nama.

Mwomenya ko abakuru b’ibihugu vyo muri Afrika y’Ubuseruko bamaze kwemeza ko bazitaba iyo nama, hakaba hasigaye ko umukuru w’Uburundi nawe, avyemeza.