Kongo n’urwanda bigiye kuburana muri sentare ya Afrika ijejwe agateka ka zina muntu n’akabanyigihugu(CADHP)

Kongo igiye kuburanya urwanda muri sentare ya Afrika ijejwe agateka ka zina muntu n’akabanyagihugu(CADHP) mu rubanza ruzoba kuwa 12 Ruhuhuma 2025.

Kongo irega urwanda ivyaha vyo gusahura,gufata kunguvu abana,abigeme n’abakenyezi,kwica no kuvogera ubutaka bwa kongo.

Nkuko vyashikirijwe n’icegera c’umushikiranganji ajejwe ubutungane muri kongo SAMMUEL Mbemba,amenyesha ko urwanda rwitwariwe na Kongo muri sentare ijejwe kubahiriza agateka ka zina muntu n’akabanyagihugu(CADHP)ku vyaha vyo kwiba,gusahura,gufata abana kunguvu,kuvogera igihugu ca Kongo.

Urubanza hagati y’ibi bihugu bibiri ruzoba kuwa 12 Ruhuhuma 2025 i Arusha Muri Tanzaniya.

Hagati aho i Luanda hategekanijwe inama izohuza prezida Paul Kagame na Prezida Felix Tshisekedi,inama yatumweko na Prezida w’Angola asanzwe ari umuhuza mu matati hagati y’ibi bihugu vyompi.