impunzi z’abarundi zahungiye mu Rwanda zibayeho ubuzima bubi cane ” Hafsa Mossi nawe vyamubabaje.

0

Umushingamateka w’umurundi mu karere ka Afrika y’Ubuseruko Hafsa Mossi yaraturikishije ararira igihe abashingamateka bo mu karere ka Afrika y’Ubuseruko(EALA) bari bagiye kuraba ubuzima impunzi z’abarundi zibayemwo mw’ikambi y’impunzi ya Kirehe mu gihugu c’Urwanda ,kuwa kabiri igenekerezo rya 2 Ruheshi.

umudepite

Inyuma y’urugendo bagize mw’ikambi y’impunzi ya Kirehe,Umushingamateka yavuze ko ubuzima impunzi zibayemwo budashimishije,aca yiyemeza kuzivugira ari kumwe n’abandi bashingamateka kugira ikibazo catumye zihunga gitorerwe umuti.

Hafsa Mossi yavuze ko bari baje kwirabira uko impunzi zimerewe mu buryo bw’umubiri n’umutima,avuga ko basanze ibintu bidashimishije naho Reta y’Uburundi ifashanije n’izindi nzego bamaze gukora ibitari bike,kandi bishimishije.

Kw’izina ry’impuzi zose, Therence Nzohabonayo aziserukira yavuze ko ikibazo c’amazi gisa n’icamaze gutorerwa umuti,ariko ko basigaranye ikibazo c’inkwi,ibifungurwa bikwiye, kwivuza,hamwe no kuronswa ibikoresho bikwiye vyo gukora isuku.

Therence Nzohabonayo yaboneyeho akaryo ko gutuma abashingamateka bo mu karere ka Afrika y’Ubuseruko,bashikire umukuru w’igihugu bamusabe guhindura ingingo yafashe yatumye haba icuka kibi mu gihugu.

amosozi

Abashingamateka bo mu karere ka Afrika y’Ubuseruko bijeje impunzi ko bagiye kubandanya kwiga kuri ico kibazo bari kumwe n’izindi nzego biraba,maze bakaraba ingene impunzi zotaha nk’uko zivyifuza.

Umunyamabanga ntayegayezwa mu bushikiranganji bujejwe gukinga ibiza mu Rwanda Ruvebana Antoine ,yavuze ko ikibazo c’amazi adakwiye mw’ikambi coshobora gutuma haduka indwara z’ibiza,naho nyene yemeza ko ico kibazo c’amazi camaze gutorerwa inyishu.

Mwomenya ko Urwanda rumaze kwakira impunzi z’Abarundi zigera ku bihumbi 26,796 mw’ikambi y’impunzi ya Mahama harimwo abashika 22,411.

agahinda-2

yari_yananiwe_kwihangana

abategereje_kubonana_na_muganga-2

abadepite_muri_eala

SRC : IGIHE