igipolisi cu Burundi kiragirizwa kwica hamwe no guhungabanya umutekano w’abo categerezwa gukingira.

0

Umuvugizi w’igipolisi c’Uburundi,ariko ubu atacumvikana cane Bakundukize Liboire yavuze ko adashobora kwihanganira ko igipolisi cica abanyagihugu gikwiye gukingira,akavuga ko bibandanije ashobora kuva mu rwego rw’igipolisi.

world02+pix

Mu kiganiro Bakundukize Liboire yagiranye na Radiyo Contact FM kuwa gatatu igenekerezo rya 8 Mukakaro 2015, yavuze ko mu gipolisi c’Uburundi harimwo abantu bambara impuzu z’igipolisi,bafise n’inkoho ariko ata hantu na hamwe banditswe vy’igipolisi.

Liboire Bakundukize amenyesha ko uri umuvugizi w’igipolisi mu mpapuro,aremera ko hari aho igipolisi cakoze nabi cane mu gihe hari imyiyerekano,aho igipolisi carasa gikoresheje amasasu yica abari mu myiyerekano.

Yavuze ko yemera ko igipolisi categerezwa gukingira abanyagihugu,ariko nko kurasa amasasu yica ku bari mu myiyerekano ata tegeko na rimwe rivyemerera igipolisi c’igihugu.

Liboire Bakundukize amenyesha ko igipolisi c’Uburundi cabayemwo imirwi ibiri,aho hari uruhande rumwe rwateguwe neza kirahabwa inyigisho zo gukingira abanyagihugu n’ikindi cambara impuzu z’igipolisi kandi gifise n’inkoho ariko ataho canditse mu gipolisi c’igihugu.

Uwo avugira igipolisi amenyesha ko atazokwigera ashigikira igipolisi gihungabanya umutekano w’abo categerezwa gukingira,mbere bibaye ngombwa ashobora no kukivamwo burundu.