Nkuko tubikesha ikinyamakuru Sos Medias Burundi , mu karere ka Lemera kari mu ntara ya Kivu y-ubumanuko havurwa imirwano yahuje umuhari RED–TABARA hamwe n-uruwaruka rw-imbonerakure rw-umugambwe uri k-ubutegetsi CNDD-FDD .
Ikinyamakuru SOS MEDIAS BURUNDI kimenyesha ko iyo mirwano yabaye kuruwu wa gatatu neza na neza mu burere bwa Kifuni na Mibande mu gihe umuhari urwanya Leta y-uburundi RED-TABARA urikumwe n-uwundi muhari w-abakongomani witwa MAI-MAI ILUNGA batera ibirindiro vy-urwaruka rw-imbonerakure urwo narwo rwiyunze n-uwundi muhari w-abakongomani bita GUMINO urongowe n-umusirikare w-ipete rya colonel azwi kw-izina rya Nyamusaraba. Imihari ibiri y-abakongomani MAI-MAI ILUNGA na GUMINO iremeza ko izo ntambara zabaye gusa ntitanga ivyahononekariye.
Tubamenyeshe ko urwaruka rw-imbonerakure be n-abasirikare b-uburundi bama barungitswe na Leta y-uburundi naho bitigera vyemezwa k-umugaragaro ngo baje gutuza imihari irwanya Leta y-uburundi iba iriko iritegura kwinjira mu Burundi irwanye ubutegetsi bw-umugambwe CNDD-FDD.
Recent Comments