Nestor Girukwishaka bamutumye kwirukana Rwasa none baramwihindutse.Mu gihugu cose abanywanyi ba CNL bari gukorerwa amabi atagira izina aho abenshi bakubitwa buyoka izuba riva,gukubagurwa,iterabwoba kwakwa amakarata y’itora,gutegekwa kwinjira muri CNDD-FDD,kwambura imyambaro ya CNL ku nguvu bakambikwa iya CNDD-FDD,,,,.ibi vyose biriko bikorwa n’abamwe mu mbonerakure za CNDD-FDD nkuko umugambwe CNL urongowe na Nestor Girukwishaka waraye ubitangaje.
Umugambwe CNL urongowe na Nestor Girukwishaka waraye ushize ahabona itangazo aho werekana amabi,agatotezo,ihohoterwa abanywanyi ba CNL bari gukorerwa mu gihugu cose.
Muri iryo tangazo ryateweko umukono n’umuvugizi w’umugambwe CNDD-FDD Terence Manirambona ku musi w’ejo igenekerezo rya 27 rusama 2025,abanywanyi ba CNL barageramiwe mu gihugu cose bikaba vyongerekanye kuva hatanguye imyiyamamazo y’amatora yimirije.
Nkuko urwo rwandiko ruvyerekana,Abanywanyi ba CNL barakubagurwa,gukubitwa,guterwa ubwoba,gutegekwa kwambara impuzu z’umugambwe CNDD-FDD abavyanse nabo bagaterwa ubwoba ko bazokomorwa mu ngo zabo.ibi bikaba biriko bikorwa n’abanywanyi b’umugambwe CNDD-FDD kandi ntibaheze ngo bahanwe.
Umugambwe CNL uratanga uturorero twinshi mu ntara,ama komine aho aba CNL bari gukubagurwa;komine mpanda,Kayokwe,Gashoho,Karusi,Mutaho,Gasorwe,Matana,Gatara,Butihinda,Cankuzo,Gashoho,Cendajuru,Ryansoro na Matongo.
Ibi naho biriko biraba umugambwe CNL kuva uvuye mu burongozi bw’umushingamateka Agathon Rwasa abenshi babona ko umugambwe Cnl urongowe na Nestor Girukwishaka ugiye mu kwaha kwa CNDD-FDD ariko CNDD-FDD iragukoresha hama ikakwihinduka mu nyuma nkuko vyagiye birashikira abakozi b’iperereza imbonerakure baba bahawe ibikorwa vyo guhohotera abandi canke gukora ayandi mabi aho nabo baheza bakicwa.
Nestor Girukwishaka yarakoreshejwe mu gusambura umugambwe CNL kugira bikunde birukane Agathon Rwasa mu mugambwe CNL ariko ubu nawe baramuhindukiriye.
Recent Comments