Céléstin NZOHABONAYO yatowe ikiziga

0

Ikiziga ca Céléstin NZOHABONAYO catowe hari haheze imisi irenga indwi umuryango wiwe wabuze irengero ryiwe.

Uwo yishwe agandaguwe yahora akora akazi ko kwunguruza abantu n’ipikipiki canke n’imodoka, rimwe na rimwe akaba yanahora yunguruza n’imodoka abakozi ba RPA Ngozi.

ngozi2

Amakuru ava i Ngozi amenyesha ko Céléstin NZOHABONAYO yari yarigeze guhagarikwa n’igendereza ry’aho i Ngozi, hama ararekurwa, yagirizwa ko yama ariko araja i Bujumbura, hama akagaruka i Ngozi.

Umuryango wa Céléstin NZOHABONAYO wasubiriye kumubura kuva kw’igenekerezo rya 13 Gitugutu 2015, uca aronka amakuru avuga ko yasubiriye guhagarikwa.

Mu gihe uwo muryango wari ukiriko urarondeza aho yoba apfungiwe, amakuru y’uko yatowe ikiziga yaciye amenyekana, ikiziga ciwe kikaba catowe mu ntara ya Kayanza, hafi y’umupaka wa Kanyaru.

ngozi