Umuvugizi w’ubushikiranganji bw’umutekano lieutenant colonel Petero Nkurikiye yamirira kure ibivurwa n’umushingamateka J.Baptiste Sindayigaya avuga ko yakubaguwe n’iperereza bashaka kumunyuruza.
Petero nkurikiye avuga ko imodoka 5 zahuriye mw’ibarabara harimwo n’iya Sindayigaya,bose banka kubisanya,kubera Bose bari bihereje agakanywa baborewe baca batangura kurwana ivyatumye umushingamateka J.Baptiste sindayigaya akomereka bikomeye.
Mu gihe ku musi wa gatandatu igenekerezo rya 10 Rusama 2025,umushingamateka J.Baptiste Sindayigaya yatowe mu ntara ya Kirundo yatabaza avuga ko ahejeje gukubagurwa n’abakozi b’iperereza inyuma yaho vyanse ko bamunyuza,mu Bushikiranganji bw’umutekano ho bavyamirira kure.
Mw’itangazo umuvugizi w’ubushikiranganji bw’umutekano n’iterambere rusangi lieutenant colonel Petero Nkurikiye yaraye abibeshuje aho yatanze imvo nyamukuru yatumye umushingamateka J.Baptiste Sindayigaya akomereka ko ari akaborerwe kabitumye.
Petero Nkurikiye agira ati:”hari imodoka 5 zahuriye mw’ibarabara mu kamenge hama abari muri zo harimwo n’umushingamateka J.Baptiste Sindayigaya banka kubisanya Bose,baca barasohoka batangura kurwana kuko bari baborewe ivyaciye bituma umushingamateka J.Baptiste sindayigaya akomereka.”
Nkurikiye avuga ko hariho n’umupolisi yakomeretse cane mu gihe abapolisi bajejwe bari baje gutabara akaba yakubiswe umutwe arababara cane,Ubu amatohoza akaba akibandanya kugira abakoze ubwo bubisha bashengezwe imbere y’ubutungana.
Ibishikirizwa na petero nkurikiye n’ikinyoma cambaye ubusa kuko uyu mutegetsi yagiye arangwa n’imvugo z’ububeshi ku mabi aba yakozwe na bamwe mu bakozi b’iperereza,igipolisi n’a gisirikare eka mbere n’imbonerakure mu gihe baba batumwe mu bikorwa vyo guhungabanya umutekano,kwica,kunyuruza no gukubagura bamwe mu batavuga rumwe n’ubutegetsi bwa CNDD-FDD.
Recent Comments