Abakozi Bose bo mu bushikiranganji bw’uburimyi n’ubworozi basabwa kuduga igitega-Calinie Mbarushimana

Agishika mu mabanga mashasha,Umushikiranganji ajejewe uburimyi,ubworozi n’ibidukikije Calinie Mbarushimana ategetse abakozi Bose bo muri ubwo bushikiranganji kuduga gukorera igitega bitarenze kuwambere w’indwi iza.

Calinie Mbarushimana akaba yasubiriye Prosper Dodiko yahora arongoye ubwo Bushikiranganji.

Mu kubisikanya mu mabanga y’ubushikiranganji bujejwe uburimyi,ubworozi n’ibidukikije hagati y’uwahora aburamutswa Prosper Dodiko n’umushikiranganji mushasha Calinie Mbarushimana vyabaye ku musi w’ejo igenekerezo rya 6 Myandagaro 2025.

umushikiranganji mushasha calinie Mbarushimana akihashika yategetse abakozi Bose bo muri ubwo bushikiranganji kuduga igitega gukorerayo kuko ariho hasanzwe hari icicaro c’ubwo bushikiranganji.

Yagize ati:”bavukanyi ubushikiranganji bw’uburimyi n’ubworozi n’ibidukikije bukorera igitega,ntawe bitsitaza,n’itegeko turinda kwubahiriza.”

Yongera ati:”bitarenze kuwa mbere abakozi Bose b’ubushikiranganji b’uburimyi n’ubworozi basaba kuduga I gitega gukorerayo”.

Bimwe muvyo agiye gushira mu ngiro nkuko yabisigiwe n’umushikiranganji Prosper Dodiko yahahora n’ibi bikurikira:

Kuronsa ifumbire ikwiye kandi ku gihe kubarimyi;
Kuzanira imbuto z’ibigori zivuye hanze abarimyi kandi kugihe;
Ikibazo c’amatongo yo mumaramvya;
Ikibazo c’amatongo atumbereye ahari ingoro y’umukuru w’igihugu.