ˮLift‟ canke ni ukwipakiza?

0

Kuva aho ashikiriye mu mabanga yo kuyobora igihugu c-uburundi, umukuru w-igihugu c-uburundi Perezida Evariste Ndayishimiye  aramaze gukora  ingendo zitari nke n-ubu akizibandanya mu bihugu bitandukanye vya Afrika. Aha twovuga nk-ibihugu vya : Tanzaniya,Guinee Equatorial, Gabon, Republika centrafricaine, Egypte, Congo Brazzaville, Uganda na kenya.Kenya Airways (@KenyaAirways) | Twitter

Mugihe igihugu c-uburundi kimaze igihe ata ndege yaco gifise yo kurerura umukuru w-igihugu, Umurwi w-abarundi batari bake bahaye bibaza ibibazo bitari bike  inyuma  yaho baboneye umukuru w-igihugu c-uburundi Evariste Ndayishimiye aguma yiyunguruza mu ndege z-amashirahamwe yunguruza abantu ziba zituruka mu b-ibihugu aba agendeye , aha twovuga  nka Egypte Air, Uganda Air, Kenya Airlines. Bamwe bati biboneka ko yoba ari ˮLift‟  perezida Ndayishimiye aba yahawe ufatiye k-ukuntu umukuru w-igihugu avuga ko aba agiye k-ubutumire bw-abagenziwe baba bamutumyeko babonane canke nko kwitabira imanza ziba zateguwe n-ivyo bihugu, ko rero vyoroshe kandi vyokwumvikana bamurungikiye indege yo kumurerura .

Abandi nabo bakabonako ahubwo naho igihugu c-uburundi ata ndege yaco gifise isanzwe irerura umukuru w-igihugu vyoba ari igitutsi canke iceyi ku gihugu hamwe umukuru w-igihugu c-uburundi agendera mu ndege abanje kurungikirwa n-abagenziwe, ko rero atagukekeranya perezida Ndayishimiye yipakiza mwazirya kompanyi z-indege tuba tumubona agiyemwo ko kandi amahera yagenewe ivy-ingendo z-umukuru w-igihugu asanzwe aba ariho yarateguwe.

Hakaba n-abandi bavuga ko yaba gusaba ˮlift‟  canke ˮkwipakiza‟  kwa Perezida Ndayishimiye, vyose ukwari bibiri bitanga ishusho mbi ku gihugu c-uburundi ko ivyari kuba vyiza n-uko igihugu categerezwa kuba gifise indege yaco yagenewe kwunguruza umukuru w-igihugu c-uburundi hamwe n-abo bisangiye amabanga yo kuyobora igihugu.

 

Twobamenyesha ko haciye imyaka irenga cumi  n-itatu igihugu c-uburundi ata ndege yo kwunguruza umukuru w-ighugu iyo agiye mu mahanga  ihari. Iyaheruka kubaho bita FALCON50 yahavuye  igurishwa na Leta y-uburundi ihowe ko itagikomeye ariko abahinga muvy-indege harimwo n-umudereva yahora ayinyonga bose baremeje ko iyo ndege yagurishijwe kandi igikomeye.

Mu mwaka w-2014, Ibiro vy-umukuru w-igihugu w-ico gihe vyaratangaje ko haguzwe indege igiye kuzoza irarerura umukuru w-igihugu mu gihe azoba afashe ingendo mu mahanga, ko iyo ndege yaguzwe imiriyoni 8 n-igice z-amadorare y-abanyamerika. Ivyatangaje benshi kuko iyo ndege kuva itangajwe ntirigera iboneka kandi amahera yagenewe kubungabunga iyo ndege yama yashizwe k-urutonde rw-amafaranga Leta y-uburundi izokoresha buri mwaka, bamwe n-abandi bemeza ko ari ubusuma ndetse n-isesagurwa ry-ubutunzi bw-igihugu kubona  hategekanywa amafaranga y-indege itabaho.