NEWS

Umurwizatunga Nahum BARANKIRIZA abarizwa mw’ibohero rikuru rya Mpimba

By

on

Umurwizatunga Nahum Barankiriza akwije iminsi ibiri apfungiwe mw’ibohero rikuru rya Mpimba, akaba yashitse muri iryo bohero ku muhingamo wo kuri uwu wa gatatu yagirizwa ibiturire.

Nahum BARANKIRIZA yafatiwe hamwe n’uwahoze ari umuyobozi wa douane mu kigo gitoza amakori OBR, ariwe Joas Katanga hamwe n’abandi bakozi babiri bakorera muri ico kigo OBR, nabo bagirizwa ko bakoranye n’umurwizatunga Nahum BARANKIRIZA, mu kudatanga amakori ya Reta, hamwe no mu kwinjiza mu Burundi ibidandazwa bidatanze amakori n’amatagisi.

Bose uko ari bane barengukishijwe kuri uwu wa gatanu ubugira kabiri imbere y’umushikirizamanza mukuru akukira sentare irwanya ibiturire.

Umushikirizamanza mukuru wa Sentare ijejwe kurwanya ibiturire, Pierre Claver Miburo amenyesha ko amatohoza akibandanya no ku bandi bantu bavurwa muri iyo dosiye y’ibiturire.

Mu bavugwa bashobora gufatwa n’uguhamvya abandi mw’ibohero rikuru rya Mpimba, ni Evrard GISWASWA yahoze arongoye igisagara ca Bujumbura.

Recommended for you