INTERNATIONAL NEWS

Ukurabana Ayingwe Hagati Y’Ubushinwa N’ubuhinde.

on

Inyuma y’aho igihugu c’Ubuhinde kigeragereje iki missile co mu bwoko bugenda iyindi migabane( ICBM) mu ndwi iheze ku musi wa kane, igihugu c’Ubushinwa carashavujwe cane niyo ngendo y’Ubuhinde kivuga ko umutekano waco ubangamiwe n’Ubuhinde. Iyo missile yo mu bwoko bwa Agni-V ICBM( hepfo kw’ifoto) yagiye ibilometero bishika 5000, bikumvikana ko igice kinini c’Ubushinwa na Buraya vyoshikirwa nico gisasu.

Kubera ko ibihugu vy’Ubushinwa n’Ubuhinde bihana imbibe, muri iyi ndwi twatanguye, igihugu c’ubushinwa cihutishije abasoda n’ibiduga vya gisirikare baco ku mupaka w’Ubuhinde mu misozi ya Doklam, agace abasoda b’ivyo bihugu bama bashamiranye.

Nk’uko Daily Star ibimenyesha, amasanamu ya Satelite yerekana mbere ko abasirikare b’igihugu c’Ubushinwa bari nko ku metero 10 zonyene uvuye ku mupaka w’ubuhindi aho n’abasoda b’ubuhindi basanzwe bari. Abatari bake baribaza ko mu gihe ivyo bihugu bibiri vyokozanyako ko yoba ari intamabara ya gatatu y’isi yose itanguye.

Igihugu c’Ubuhindi kikaba kimaze gutanga ingabisho ikomeye ku gihugu c’Ubushinwa. Mukibuka ko muri ako gace abasoda b’ivyo bihugu bibiri bahashwaniye bimwe bikaze hama hagira abasukamwo mabisi. Mu gihe ivyo bihugu bibiri vyotana mu mitwe, hopfa abantu benshi kubera ko ibindi bihugu vya rutura kw’isi vyoca bigira aho vyegamiye.

Recommended for you