NEWS

Uko Leta y’Uburundi ibona iyongerwa ry’Ikiringo wa Murwi wa ONU ukora amatohoza.

on

Umuvugizi akongera akaba umunyamabanga wa Leta y’Uburundi , Prosper Ntahorwamiye, yashikirije ijambo aho yagarutse ku ngigo yafashwe n’umurwi wa ONU ujejwe kwubahiriza agateka ka zina muntu yo kwongera ikiringo kingana n’umwaka wa Mugwi wa ONU ukora amatohoza ku Burundi(Commission d’enquete sur le Burundi).

Prosper Ntahorwamiye yamenyesheje muri iryo jambo ko ‘ibihugu vya Buraya na Amerika(L’Occident) hamwe n’vyo bifadikanije vyarondeye ‘kugumiza Uburundi ku rutonde rw’ibihugu bidatunganye kugira ngo gusa Uburundi bubandanye bukorwako amatohoza’.

Prosper Ntahorwamiye aravuga ivyo ‘guhohotera(Harcelement) Uburundi’ bikorwa n’umurwi wa ONU ujejwe agateka ka zina muntu. Leta y’Uburundi imenyesha ko yakiranye umubabaro ingingo yo kwongera ikiringo c’umwaka wa Mugwi wa ONU ukora amatohoza ku Burundi, kandi ko ‘ivyegeranyo vyose bimaze gukorwa ku Burundi ko ataco bimaze na gato’.

Soma kandi: Umugwi wa ONU ukora amatohoza ku Burundi ugiye kwongezwa ikiringo.

Leta y’Uburundi ikaba isaba abanyagihugu kudahagarikwa umutima n’ivyo vyegeranyo. Prosper Ntahorwamiye amenyesha ko hari ibikorwa vyo gukoresha hene ivyo vyegeranyo kugira ngo vyifatire mu gahanga Uburundi.

Prosper Ntahorwamiye akaba aranagiza avuga ko ivyo vyegeranyo biza bicafuza Uburundi hamwe n’inzego zabwo.Leta y’Uburundi kandi iriyamiriza ukuntu abagirizwa gushaka gutembagaza ubutegetsi ku wa 13 Rusama 2015 bahabwa ijambo muri izo nama ziba i Geneve ku Burundi, kandi basohorewe imitahe mpuzamakungu, ko bitemewe na gato na Leta y’Uburundi.

Kurikira hano Prosper Ntahorwamiye:

Recommended for you