NEWS

Rwasa-Léonce-Ngayimpenda: Ingabisho be n’Ivyinyegeje Inyuma y’Ihinyanyurwa Ry’ibwirizwa shingiro.

on

Umushingamateka Agathon Rwasa, Léonce Ngendakumana yahoze ari umukuru w’Inama nshingamateka na Evariste Ngayimpenda basohoye urwandiko aho bavuga ibitari bike bikwiye kumenywa ku mugambi wo guhinyanyura ibwirizwa shingiro. Abo batatu bakaba batanga ingabisho kuri ONU, Ubumwe bwa Afrika na EAC ko “umugambi wo guhinyanyura ibwirizwa shingiro ari igishobora guhungabanya amahoro n’umutekano vy’Uburundi”.

Ku bwa Rwasa, Léonce na Ngayimpenda, “ibwirizwa shingito rishahsha rizotuma umukuru w’igihugu c’Uburundi atwara nk’umwami”(Pouvoir absolu), mu gukuramwo abahoze ari abakuru b’ibihugu ngo ntibabe abakenguzamateka ubuzima bwabo bwose, kubera ko Petero Nkurunziza atinya ko abo b’inzobere muri politike bomubera intambamyi bagumye ari abashingamateka ubuzima bwose’.

Mw’ibwirizwa shingiro kandi rishasha, harategekanywa kugabanywa igitigiri c’Abashingamateka bemeza ingingo yinaka ko irengana canke ntirengane. Ariko ku bwa Rwasa, Léonce na Ngayimpenda, uko ‘kugabanya ico gitigiri bizotuma abashingamateka n’abakenguzamakteka ba CNDD-FDD baba aribo gusa bahitiramwo Abarundi bose hatarinzwe kubaza iyindi migambweya plitike mu Burundi‘.

Ibwirizwa shingiro rishasha rije rikuraho ibiringo vy’umukuru w’igihugu, vyabayeho mu Burundi kuva mu 1992, maze bikaza bituma Uburundi buba ryo kirimbiro ry’inkozi z’ibibi mw’isi nzima”, niko Léonce, Rwasa na Ngayimpenda bamenyesha muri urwo rwandiko.

Rwasa Ngayimpenda na Léonce bakaba kandi bamenyesha ko ugukurwaho kw’icegera ca Mbere c’umukuru w’igihugu yaserukira ubwoko bw’Abatutsi bisobanura ko mu ntwaro ya leta y’Uburundi, ‘abatutsi batazosubira guserukirwa n’umuntu n’umwe‘.

Abo bagabo batatu bamenyesheje kandi ko “umugambi wo gushiraho ibwirzwa shingiro rishasha ari ugufuta burundu icitwa ngo ni abatavuga rumwe na Leta mu Burundi, nk’uko vyashikirijwe mu 2014 kw’Iradiyo Nkuru y’igihugu, biciye neza na neza ku guhamba amasezerano y’i Arusha”.

Vyinshi ushobora kubisoma muri zino nyandiko bashize ahabona:

Recommended for you