NEWS

Rwasa Agathon Ashobora guserukira Abatavuga rumwe na Leta bose mu matora ya 2020.

on

Mu migambwe y’abatavuga rumwe na Leta y’Uburundi, ikibazo co kwitegurira amatora ya 2020 kiriko cigwako cane. Ku makuru amaze kuja ahabona, biravugwa cane ko abatavuga rumwe na Leta bashobora kuja hamwe maze bagatanga umukandida umwe abaserukira mu matora ya 2020. Uwuhabwa amahirwe cane akaba ari umushingamateka Rwasa Agathon.

Ariko rero, nk’uko isoko ry’iyi nkuru ribishira ahabona, biragaragara cane ko uguhuriza ku gutanga umukandida umwe bikirimwo inzitizi zinaka. Agathon Rwasa n’urunani rwiwe Amizero y’Abarundi ubu hari ingorane yo kutemerwa kw’urwo runani mu Burundi. Rero Rwasa ashobora kuja mu matora ta 2020 yigenga canke akifatanya n’urunani rwiyindi migambwe.

Ahisemwo kugenda mu matora ya 2020 wenyene, Agathon Rwasa ashobora guhura n’ikibazo co kubura abashingamateka ku ruhande rwiwe kubera urunani rwiwe rutacemewe.Aho gusa yosigara yizera gusa ugushigikirwa n’abanywanyi biwe iyo bava bakagera.

Ku kibazo c’uko yoserukira iyindi migambwe y’abatavuga rumwe na Leta,nahonyene intamabamyi zirahari. Biravugwa cane ko Rwasa Agatho ariko akora ibiganiro n’uumugambwe SAHWANYA FRODEBU kugira abanywanyi bose ba FRODEBU bazorore RWASA, ariko rero bamwe muri FRODEBU bakaba badashigikiye iyo ngigo, ahubwo ko basaba Rwasa Agathon ko yobanza kwamabara umwambaro wa FRODEBU, ni kuvuga ko yobanza kwinjira muri FRODEBU ku mugaragaro.

Abatavuga rumwe na leta bari mu gihugu( Opposition interne) bakaba bavuga cane ibijanye no gutanaga umukandida umwe mu matora ya 2020. Bakaba bamenyesha ko mu gihe Petero Nkurunziza atoba yitoje, umugambwe CNDD-FDD utoronka umukandida yizewe cane nka we ashobora gutsinda abatavuga rumwe na leta bagiye hamwe. N’umugambwe UPRONA ukaba wemeranya n’ico ciyumviro c’abatavuga rumwe na leta, ariko ukamenysha ko uwoserukira abatavuga rumwe na leta yova mu matora azokwerekana cane umugambwe ufise abashingamateka benshi mu Nama Nshingamateka.

Iyindi ngorane ihari mu batavuga rumwe na leta y’Uburundi ni uko hoba ukuja hamwe n’abahoze bari muri CNDD-FDD(Frondeurs) n’abo muri MSD basanzwe bari hanze y’igihugu.

Mu gihe kandi abatavuga rumwe na Leta bahurikiye mu runani CNARED bokwumvikana n’abatavuga rumwe na leta bari mu Burundi mu gutanga umukandida umwe mu matora ya 2020, biragarara cane ko CNDD-FDD ishobora kudatsinda ayo matora ya 2020.

Recommended for you