Umutegetsi wa ONU mu gihugu ca Congo yaraye amenyesheje kuri uyu wa gatatu ko umuhari M23 urwanira mu buseruko bwa Congo ko ufise ibirwanisho vyo kurwego ruhanitse ko ubangamiye umutekano w’abasivire. Ikindi ngo nuko uwo muhari wagaragaye mu ntambara imaze imisi iriko iraba nk’igisirikare cikwije hakuba umurwi w’abitwaje ibirwanisho.
Umupfasoni Bintou keita atwara umurwi wa ONU mu kubangabunga amahoro muri Congo MONUSCO, yabwiye inama ya ONU ijejwe amahoro n’umutekano ko M23 ifise inkoho zikomeye , ibisasu vyo morotiye, hamwe n’ibirwanisho bidahusha iyo hageze gukorora indege.
Tubamenyeshe ko umuhari M23 wari waratsinzwe n’igisirikare ca Congo FARDC gifadikanije n ‘inteko za MONUSCO mu mwaka wa 2013. Niho mu kwezi kwa cumi na kumwe umwaka wa 2021 uwo muhari wongeye gusubira kwisuganya nkuko biri mu cegeranyo c’abahinga ba ONU bari muri Congo baheruka gusohora muri uku kwezi kwa Ruheshi.
