NEWS

Imyaka 14 iraheze Abanyamulenge 166 biciwe mu Burundi

on

Imyaka 14 yakwiye kuri uwu wa mbere igenekerezo rya 13 Myandagaro 2018 habaye ubwicanyi bwahitanye impunzi z’abakongomani b’abanyamulenge bagera kw’ijana na mirongo itandatu na batandatu (166). Mu birori vy’ukwibuka abo banyamurenge bagandaguwe, yaba uwuserukira ishirahamwe rirwanya ihonyabwoko n’ibindi vyaha vy’agahomerabunwa AC Genocide Cirimoso, yaba uwuserukira abacitse kw’icumu n’imiryango y’ababuze, bose basaba ko ubutungane bw’Uburundi na mpuzamakungu bwokora, kugira abagandaguye abo bantu bashengezwe mu butungane.

Abo banyamurenge basaba ko ubutungane bw’Uburundi na mpuzamakungu kubatunganiriza, abakoze ubwicanyi mw’ikambi y’impunzi y’abanyamurenge mu Gatumba bamenyekane kandi bahanwe.

Mw’ijambo yashikirije igihe abanyamurenge bibuka imyaka 14 iheze habaye ubwo bwicanyi, umukuru w’umuryango w’abanyamurenge David Munyamahoro yavuze ko ubutungane ataco bwakoze ngo abiyemereye ubwicanyi bahanwe.

David Munyamahoro yavuze ko bazoguma baririra Uburundi n’amakungu kuko gushika ubu ubutungane ataco burakora ngo ukuri kumenyekane,kuri ubwo bwicanyi bwahitanye abanyamurenge 166.

Mwomenya ko ivyo birori vyatangujwe no gushira ingori z’amashurwe ku cibutso cabo banyamurenge, bishwe kw’igenekerezo rya 13 Myandagaro 2004, birangizwa n’amasengesho yabereye mw’ishengero rya Zion Temple.

Mu mugambwe FNL urongowe na RWASA Agathon, ari nawe yagirizwa ubwo bwicanyi, bavuga ko ubwicanyi bw’abo banyamulenge bwobazwa abajejwe umutekano bari mu makambi abiri, imwe y’abaporisi, n’iyindi y’abasirikare bari bacunze iyo kambi y’impunzi z’Abanyamulenge, batigeze basohora urusasu na rumwe mu gihe abo banyamulenge bariko baragandagurwa. Muri uwo mugambwe bavuga bati : “Umukuru w’ikambi y’abasirikare bacunga ico kibanza niwe yobibazwa ubwa mbere, kandi ategerezwa kuba afise kuba afise ico abiziko.”

Recommended for you

You must be logged in to post a comment Login

Leave a Reply