NEWS

Ibiganiro i Arusha: Mkapa yoba agiye gutamba yirorera?

on

Mu gihe ibiro vy’umuhuza mu biganiro bihuza Abarundi, Benjamin Mkapa, yamenyesheje ko ibiganiro bitangura uyu musi i Arusha, biragaragara ko Leta y’Uburundi hamwe n’amashirahamwe ayegereye batagiye i Arusha muri ivyo biganiro vyo ku ncuro ya gatanu. None ibiganiro ubwo bigiye kuba?Canke Mkapa yoba agiye gutamba yirorera?

Leta y’Uburundi ikaba yatanze impamvu isaba ko ibiganiro bitegekanijwe uyu musi wa 24 Gitugutu 2018 vyokwungururizwa ku yindi sango kubera ko uku kwezi kwa Gitugutu ari ukwezi kw’ ‘kigandaro’ ku gihugu c’Uburundi.

Ariko gushika nubu, Benjamin Mkapa nta nyishu iboneka araha leta y’Uburundi kuri ico gisabo co kwigiza inyuma ibiganiro bihuza Abarundi.

Ikinyamakuru cegereye leta cane , Intumwa News, kimenyesha amasoko y’inkuru yaco ko ‘yaba umugambwe CNDD-FDD, leta y’Uburundi, amshirahamwe ategamiye ivyicaro vya politike[yegereye ubutegetsi cane, kuko ayegereye abatavuga rumwe na leta yaramaze gushika i Arusha mu biganiro] hamwe n’imigambwe itagira abashingamateka(partis de l’opposition extraparlementaire)’, ata numwe yitavye ibiganiro i Arusha.

Mu gihe hakiri impari ku vyoganirwako hamwe n’abokwitaba ibiganiro, umugambwe uri ku buetegetsi usaba leta kuja hamwe na Mkapa bakayaga ku botumirwa mu biganiro bihuza Abarundi.

Nk’uko SN News ibishira ahabona, nta muntu numwe mubasazwe bafise imitahe mpuzamakungu ibahagarika yatumiwe mu biganiro bihuza Abarundi, nk’uko isoko ryayo ribimenyesha.

Recommended for you