NEWS

ibiciro vy’ibidandazwa mu Burundi bigiye kuduzwa.

on

Inama nshingamateka y’Uburundi yemeje integuro y’itegeko rigenga amafaranga Reta izokoresha mu mwaka w’2017. Ni amafaranga y’amarundi agera ku miriyaridi igihumbi n’ijana na mirongo itanu na zibiri, aho mukamenya ko ibice bigera kuri 70,7 vy’ayo mafaranga bizova mu makori y’abanyagihugu bo mu Burundi, ayasigaye agera ku bice 29,3 ave hanze y’igihugu.


Domitien NDIHOKUBWAYO, umushikiranganji w’ikigega ca Reta

Muri iyo nteguro yemejwe kuri uwu wa kane n’abashingamateka 110 kuri 111 bari bitavye ivyo bikorwa, umushikiranganji w’ikigega ca Reta akaba yibukije ko mu gihe amafaranga agera ku bice 50 kw’ijana Reta yahora ikoresha yahora ava hanze ariko ubu atakiza, muri Reta bavuga ko bagiye gukomeza umugambi w’ugutubika uwa vubi.

Bamwe mu bashingamateka bakaba bagaragaje amakenga yabo, aho bamenyesheje ko uwo mugambi w’ugutubika uwa vubi uvugwa ku banyagihugu gusa bagiye kudugirizwako amakori ku biribwa vya nkenerwa, mu gihe abategetsi babandanya kwongerwa uturusho.

Abakurikiranira hafi ibibazo vy’ubutunzi mu Burundi bakabona ko mu ntango z’ukwezi kwa mbere, ibiciro vy’isukari, igitoro hamwe n’ibinyobwa vya BRARUDI bishobora kuduzwa, kugira amafaranga Reta ikeneye ashobore kubonekera mu matagisi.

Recommended for you