Wednesday, February 8, 2023
HomeInternational newsEthiopie: Leta isaba OMS gukora amatohoza ku mukuru wayo ,Dr Tedros asanzwe...

Ethiopie: Leta isaba OMS gukora amatohoza ku mukuru wayo ,Dr Tedros asanzwe avuka mu ntara ya Tigray.

Leta ya Etiyopiya isaba ishami ry-ishirahamwe mpuzamakungu ONU rijejwe amagara y-abantu kw-isi OMS gukora amatohoza ku mukuru w-iryo shirahamwe  kuvyo imwagiriza kuba atanga «amakuru y-ibinyoma» kandi ko afise «inyifato mbi»  ku bijanye n-indyane zimaze igihe mw-ico gihugu.Tedros Adhanom Ghebreyesus elected new head of WHO

Nkuko tubisoma k-urubuga rw-iradiyo y-abongereza BBC, Intandaro ya vyose yoba ari ibiherutse gutangazwa  na Dr Tedros  Adhanom Ghebreyesus  aho mw-iy-indwi turiko tusozera   yavuze ko imibereho y-abantu bo mu ntara asanzwe avukamwo ya Tigray  yasinzikajwe cane  n-intambara yise «umuriro udahera» anagiriza Leta ya Etiyopiya ko izibira imfashanyo y-imiti kwinjira muri iyo ntara.

Etiyopiya ivuga uku:« Arisuka mu bibazo bwite vya Etiyopiya , harimwo n-ibijanye n-imigenderanire yayo na Eritreya» Ico gihugu  kikagabisha kandi OMS ko uwo munya Etiyopiya Dr Tedros ashobora guteza urubwa iryo shirahamwe rijejwe amagara y-abantu  kw-isi. Ni mu gihe Leta ya Etiyopiya yoyo yagiriza abayirwanya bo mu ntara ya Tigray ko aribo bazibira imfashanyo.

Tubibutse ko atari irya mbere mw-iyi ntambara  ihuza Leta ya Etiyopiya  hamwe n-abarwanyi ba Tigray, Addis-Abeba yidogera uwo atwara OMS ko nawene yagiye arafasha abo barwanyi mu kubaronsa ibirwanisho , ivyo Tedros yahakanye yivuye inyuma.

 

 

Must Read

Ifaranga ry’uburundi ribandanya rita agaciro uko bukeye uko bwije.

0
Amazu yo kuvunja ammafaranga mvamakungu amaze imisi ashira ahabona ibiciro vy’ayo mafaranga ukwo avunjwa. Ikihaye kiboneka nuko ifaranga ry’uburundi ririko rita agaciro ku rugero...