Kuva mu gatondo ko kuri uyu wa gatatu, hari abapolisi hamwe n-abakozi ba Mairie ya Bujumbura bari bahagaze ku kiraro gica hejuru . Ico kiraro gica hejuru y-ibarabara ryitiriwe UPRONA kigahuza ibarabara Avenue de la mission. Uje uva ahegereye aho umuganga w-amaso Dr Bireha Anselme akorera utera uja ku rushengero rwa St Michel. Ico kiraro kikaba cubatswe n-ibanki BANCOBU ikoranye n-igisagara ca Bujumbura mu ntumbero yo kugabanya amasanganya ahabera mbere no kworohereza uruja n-uruza. Ariko ntacerekana ko abahaca bose bategerezwa kucurira kanatsinda bamwe mu banyagisagara ca Bujumbura bavuga ko ukwo cubatse kitaborohereza ingazi zaco ari zito cane ndetse bamwe bakaba bafatirwayo n-ibizunguzungu iyo bageze hejuru.
Naho biri ukwo, uburongozi bw-igisagara ca Bujumbura busigaye n-ubukamisha ico kiraro mu guca amahadabu abatigacako. Akarorero, ni ako mu gitondo ko kuri uyu wa gatatu aho umunyagihugu ataca kuri ico kiraro yacibwa ihadabu ry-ibihumbi bitanu vy-amarundi, uwuyabuze nawe akaja gufungwa.
Abo banyagisagara bakibaza uwusigaye ari mw-ikosa mu gihe ata na kimwe kibereka ko ari itegeko guca kw-ico kiraro. Nayo ngo hamwe ryoba itegeko, basaba ko cosubirwamwo kikubakwa neza kuko hari abantu bidakundira kucurira bivanye n-ingene cubatse.
