Monday, January 30, 2023
HomeNewsAMISOM igiye kurangiza ikiringo cayo maze isubirizwe na ATMIS .

AMISOM igiye kurangiza ikiringo cayo maze isubirizwe na ATMIS .

Nkuko tubisoma mw-itangazo ryashizwe ahabona na AMISOM kuri uyu wa mbere Ntwarante 2022, Umuryango w-ubumwe bwa Afrika hamwe na Leta ya Somaliya baremeje urupapuro rw-inzira kugira ubutumwa bwa AMISOM busubirizwe n-urundi rwego mfatakibanza rw-umuryango w-ubumwe bwa Afrika muri Somaliya bise «ATMIS» (Mission de transition de l’union africaine en Somalie) mu rurimi rw-igifaransa. Mw-iryo tangazo, AMISOM imenyesha kandi ko ubutumwa bwayo bwo kugarukana amahoro muri Somaliya buzorangirana n-impera z-uku kwezi kwa Ntwarante 2022.Des soldats ougandais participe à une cérémonie de remise des médailles à Mogadiscio, en Somalie, en juillet 2018, après avoir servi une année au sein de la Mission de l'Union africaine en Somalie (AMISOM).

Nkuko tubisoma mu kinyamakuru IWACU, ubwo butumwa bushasha bwa ATMIS bugiye kwibanda ahanini mu mugambi wo gutsimbataza no gukomeza Leta ya Somaliya ihari iki gihe.  ATMIS ikazoba ifise intumbero imwe rudende iboneka: gukura ibibazo vy-umutekano vyahora  muri AMISOM maze bikahabwa Leta ya Somaliya. Nkuko vyatangajwe na  Bankole Adeoye, umukomiseri mu muryango w-ubumwe bwa Afrika ajejwe ibibazo  vya politike, amahoro hamwe n-umutekano.

Kuwa 7 Gitugutu 2021, inama nkuru y-amahoro n-umutekano mu muryango w-ubumwe bwa Afrika yari yemeje ko hoshirwaho  umurwi wo gukomeza no gutsimbaza amahoro muri Somaliya  urimwo impande zibiri ni ukuvuga uwo muryango w-ubumwe bwa Afrika hamwe na ONU. Ariko Uwo murwi wahavuye wankwa ko ushingwa na Leta ya Somaliya , maze iyo Leta ica yipfuza ko hoshirwaho umurwi w-ubuhinga urimwo n-igisirikare ca Somaliya hama ugaca ushikiriza inzego z-umutekano za Somaliya  ivyahora bikorwa na AMISOM.

Tubamenyeshe ko igihugu c-uburundi kigira kabiri mu bihugu vyagiye kugarukana amahoro muri Somaliya bifise abasirikare benshi aho uburundi bufisemwo  inteko zingana ibihumbi bitanu  ku bihumbi mirongo ibiri vy-inteko zigize AMISOM.

 

 

 

Must Read

Urwanda rumenyesha ko umwansi umwe rudende rufise mu karere ari Congo...

0
Umushikiranganji w’imigenderanire n’ayandi makungu w’urwanda yemeje ko muri aka karere ,igihugu c’urwanda gifise umwansi umwe rudende ari we Republika iharanira Intwaro rusangi ya Congo....